كلاش بريس / س بنقاور
فجر فوزي لقجع مفاجأة كبيرة اليوم فالبرلمان، وقال بلي ابتداء من فاتح يناير الجاي، أي أسرة كتجيها فاتورة الضو قل من 100 درهم ما غاديش تخلص والو، الدولة هي اللي غادية تخلص عليها.
لقجع اللي كان كيقدم مشروع قانون المالية ديال 2027 قدام النواب والمستشارين، قال أن هاد القرار غادي يهم واحد الفئة كبيرة، كنهضرو على 6 ديال المليون ديال المشتركين، يعني كثر من النص ديال المغاربة اللي عندهم العداد ديال ONEE.
وأكد أن القضية ما كتهمش غير الديور، حتى شي حرفيين صغار فالقرى إلى كانت عندهم فاتورة صغيرة حتى هما داخلين فالإعفاء، المهم هو أن السكن يكون هو السكن الرئيسي.
وحسب الأرقام اللي عطا الوزير، هاد العملية غادي تكلف خزينة الدولة 2.8 مليار درهم غير فالعام اللول.هاد الإجراء ماشي بوحدو، جا معاه بزاف ديال القرارات الاجتماعية بحال الزيادة فالتقاعد اللي غادي يولي 1700 درهم فبلاصة 1000 درهم، ومعاشات الأرامل اللي غادي تطلع من 50% حتى لـ 100%، وزيد عليها الدعم المباشر.
