كلاش بريس
مشروع قانون جديد صادقات عليه الحكومة وبعثاتو للبرلمان، كينص على منع إطعام أو إيواء الحيوانات الضالة فالفضاءات العمومية، واللي ما احترمش هاد المنع غادي يواجه غرامة كتقدر توصل حتى لـ 3000 درهم.
المشروع اللي كيتسمى 19.25، تحال على اللجنة المختصة فالبرلمان فـ 22 يوليوز، وكيهدف لحماية الحيوانات الضالة والوقاية من الأخطار اللي ممكن تسببها.
المادة 44 من القانون كتنص على غرامة بين 1500 و3000 درهم لكل واحد أطعم أو آوى أو عالج حيوان ضال فالشارع أو فالمباني المشتركة أو أي بلاصة مفتوحة للعموم.
القانون حتى هو كينص على إحداث مراكز خاصة برعاية هاد الحيوانات، وكيدير نظام تصريح إلكتروني للناس اللي بغاو يعتنيو بحيوان ضال فالدار.
