كتبه الياس العكاري / خبير في التحفيز والتعبير الايجابي
المغرب كيتبدّل…
المغرب كيكبر…
المغرب داخل لمرحلة تاريخية ديال النمو، الأوراش الكبرى، والاستثمارات العالمية 🚄🏗️🌍
ولكن السؤال الخطير هو:
واش الإنسان المغربي كينمو بالقيم ولا غير بالهضرة الخاوية؟ 🤔
⚠️ رسالة مباشرة لرجال التعليم 👨🏫👩🏫 وللعاملين في قطاع الصحة 🩺👩⚕️👨⚕️:
راه الأمم ما كاتبناش غير بالطرق والسيارات والموانئ…
الأمم كتبنا بالضمائر، بالأمانة، وبالخوف من الله ☝️🕋
قال الله تعالى:
﴿وَقِفُوهُمْ إِنَّهُم مَّسْئُولُونَ﴾
📖 (الصافات: 24)
🛑 أستاذ كيشرح بلا ضمير، طبيب كيخدم بلا رحمة، ممرض كيتعامل بتكبر، إداري كيستهتر… راه خطر على الوطن أكثر من أي عدو خارجي!
قال رسول الله ﷺ:
“كلكم راعٍ وكلكم مسؤول عن رعيته” 🧠⚖️
🔴 التعليم ماشي وظيفة…
🔴 الصحة ماشي مصدر رزق فقط…
هذو أمانة ثقيلة قدّام الله قبل الدولة!
قال الله عز وجل:
﴿إِنَّ اللَّهَ يَأْمُرُكُمْ أَن تُؤدُّوا الأَمَانَاتِ إِلَىٰ أَهْلِهَا﴾
📖 (النساء: 58)
⚠️ اللي كيستعمل القسم، المستشفى، أو قاعة الدرس باش:
• يهين المواطن ❌
• يبتز المريض ❌
• يقتل الطموح ديال التلميذ ❌
• ولا يخدم بعقلية “سير حتى تسالي الشهرية” ❌
راه كيحفر قبر الثقة…
وكيعاون فخراب المجتمع، ولو كان لابس وزرة ولا مئزر أبيض 😔
قال ﷺ:
“من غشّنا فليس منا” ❌
📌 راه هاد البلاد ما محتاجاش:
• دكاترة بلا رحمة
• أساتذة بلا رسالة
• أطر بلا أخلاق
راه محتاجة:
✅ رجال ونساء كيخافو الله
✅ كيعتابرو الخدمة عبادة
✅ وكيقولو: الله شاهد عليّ 👁️🕋
⚠️ ديرو حساب لداك النهار اللي:
• لا وزارة تنفعك
• لا نقابة تحميك
• ولا شهادة تشفع ليك
قال تعالى:
﴿يَوْمَ لَا يَنفَعُ مَالٌ وَلَا بَنُونَ إِلَّا مَنْ أَتَى اللَّهَ بِقَلْبٍ سَلِيمٍ﴾
📖 (الشعراء: 88-89)
💔 وطن بلا قيم = مشروع فاشل
❤️ وطن بالقيم = معجزة تاريخية
📢 راجعوا نياتكم، صحّحوا مساركم، وخليو خدمتكم خالصة لوجه الله
راه المغرب طالع…
وما خاصّوش يتبنّى فوق أنقاض الضمير! ⚠️🇲🇦
☝️ اللهم إني بلغت… اللهم فاشهد 🤲
