قال أديب بنبراهيم، كاتب الدولة فوزارة التعمير والإسكان وسياسة المدينة، باللي برنامج دعم السكن ناجح، وكان الهدف ديالو هو بناء 75 ألف سكن فـ2024، ولكن دابا وصلنا لـ96 ألف وحدة سكنية.
وزاد فـجلسة الأسئلة الشفوية فمجلس النواب، اليوم الاثنين، باللي كاينين 48 ألف مستفيد من الدعم من أصل 150 ألف اللي قدمو الطلبات، و25 فالمية منهم مغاربة العالم.
وأوضح نفس المسؤول أن 62 فالمية من المستفيدين كينتميو للطبقة المتوسطة، وشدّد على أن المشروع كيدوز بشفافية.
وأكد أن الدعم كيمشي مباشرة للمواطنين والمواطنات، ماشي للمنعشين العقاريين بحال ما كيروج البعض، والمواطنين عندهم الحرية يختارو فين يسكنو.
وختم باللي شركة “العمران” غادي تبني 147 ألف وحدة سكنية فالمدن الصغيرة باش تستجب للطلب المتزايد على السكن.
